Badlaav~pankaj
Aaj railways ke ticket reservation counter par khada apni bari aane ki pratiksha kar raha tha, yahan main pehle bhi kai bar aaya tha par aaj kuch badlav tha, ab arakshit ticket lene ke liye pehle anarakshit khidki se token lena padta hai, ab kuch pehle ki tarah nahi tha, kuch log es baat se pareshan the to kuch log khush, par musibat wahan thi ke jis khidki par arakshit ticket lene ke token bante ja rahe the wahi anarakshit ki ticket bhi, main line main he khada tha, line itni lambi thi ke, agar poora Gwalior darshan bhi kar aaun tab bhi line utni he lambi rehti, to achana ek khyal aaya ke zindagi main kya kya badlav aaye, or bas jane kis duniya main kho gya.
Main Punjab ka rehne wala, duniya bhar ke bhagam bhag se door or koi chillam chilli nahi, badlav bhi aata to asani se dhal leta, yun to badlav aate rahete hai har pal, magar sab se tezi se badlav aaya jab main 3 saal pehle gwalior aaya, ye badlav itna tez hua or ke samay kab beeta pata nahi chala, or musibaten bhi badh gayi, ek saal yun nikal jata jese kuch he mahino pehle admission li thi yahan.
Yahan har taraf bhaga-dodi hai, esa lagta jese sab logon ne din ki aakhri gaadi pakadni hai, kisi ko kisi se koi matlab nahi hai, sab apne aap main he chalte ja rhe hai.
Pehle pehl to mess ka khana bhi theek lagta tha, par jese he kuch din beet gaye to mess ka khana zeher ke saman lagne lga, or 10 dinon ke andar he maa ke hath ke bane aalo, gobhi, pyaaz ke paranthe ki yaad aa gayi jo ke har subha ka nashta hota, par yahan aa kar to nashte main 6 sookhi bread, kabhi poha or hafte main 1 din paranthe bante wo bhi rookhe sookhe, or dophar or raat ka khana bhi beswada hota, ab to aksar bahar he khana khate.
Pehle pehl to mess ka khana bhi theek lagta tha, par jese he kuch din beet gaye to mess ka khana zeher ke saman lagne lga, or 10 dinon ke andar he maa ke hath ke bane aalo, gobhi, pyaaz ke paranthe ki yaad aa gayi jo ke har subha ka nashta hota, par yahan aa kar to nashte main 6 sookhi bread, kabhi poha or hafte main 1 din paranthe bante wo bhi rookhe sookhe, or dophar or raat ka khana bhi beswada hota, ab to aksar bahar he khana khate.
ab to har waqt lagta ke ghar wapis chal jaun par ab to bas yahin par 5 saal bitane hai, bas samay bhi kya beeta har subha wahi mess ka rookha sookha khana or wahi boring lect. bas kuch alag hota to doston ke sath beth karmasti karna, kabhi kuch kharab mood hota to Mishra ji ya gupta ji(gkg) ke maze lete or agar mood acha hota to bhi unhi ke maze lete, kabhi sham ko ardh-nagan vastr pehne apne apne corridor main bethe gapen ladate, pahle to bina tyaar hue kabhi ghar se bahar nahi nikalte the par ab to ardh-nagan vastra pehne poora hostel ghoom lete,
Har dost alag alag tha, sab alag log jagha se, sab ka swabhav alag, jese verma ji ko he le lo unhe to itna gussa aata ke wo khud kar niyantran nahi kar pata or gusse main kuch bhi bol deta par kuch der baad khud paas main aa kar bolte ke:
“chodna yar, wo actually mujhe bachpan se gussa bahut aata hai, pata nai q, bas control nai kar pata, main mazak nahi kar raha hun, tu samajhta hai na”
Or bar bar pakad-pakad kar doosre ko hilta rehta or ese lagta jese hum kisi rail gadi main safar kar rahe hon. Or koi bhi din jha ji ke maze liye bina khatm nahi hota, ye bhai sahb to bade he nirale hai, ek dum pakke business man, koi bhi kaam bina fayda dekhe nahi karte or sirf khane ke liye he jeete…. Mujhe pata hai ye sab padne ke baad meri khoob class lagegi par maza aa raha hai. Or jab kisi ka janamdin hota tab use raat ke 12 baje he bade pyaar se maarte, esa lagta jese kisi dushmani ka badla nikalna ho….
“chodna yar, wo actually mujhe bachpan se gussa bahut aata hai, pata nai q, bas control nai kar pata, main mazak nahi kar raha hun, tu samajhta hai na”
Or bar bar pakad-pakad kar doosre ko hilta rehta or ese lagta jese hum kisi rail gadi main safar kar rahe hon. Or koi bhi din jha ji ke maze liye bina khatm nahi hota, ye bhai sahb to bade he nirale hai, ek dum pakke business man, koi bhi kaam bina fayda dekhe nahi karte or sirf khane ke liye he jeete…. Mujhe pata hai ye sab padne ke baad meri khoob class lagegi par maza aa raha hai. Or jab kisi ka janamdin hota tab use raat ke 12 baje he bade pyaar se maarte, esa lagta jese kisi dushmani ka badla nikalna ho….
Ghar main hote hue to kabhi bhi 11 baje se zyada der tak nahi jage or subha 6 baje ke baad nahi uthte, Jese kese 1 saal beet gaya, ab badlav ka doosra charan shuru hua, sab ke pas laptop-PC aa gaya, or sab logon ne apna apna orkut or gmail account bana liya, ab to der raat chatting, orkutting shuru hui, subha se dopahar tak class or sham ko bhi doston ne bahar nikalna band kar diya, bas apne apne kamre main bethe net chalet, ab ek naya kaam jud gaya, Counter strike or NFSMW ye to ek virus tha jo sab ko infect kar gaya or din raat yahi dono games chalti, log pagal se hao gaye, kabhi baat bhi karte to har baat par kabhi magnum kabhi sniper or kabhi headshot ka naam aa jata,, esa lagta jaise koi baat nahi apni kargil ki ladai ke kisse suna raha ho. Or bolte ke “yar aaj maza a gya, tune aaj bahut accha khela, par tu apne sath wale players ke karan bacha hua tha, nahi to ye game bhi mainehi jeetna tha” bas itna sun kar dil se aawaz nikalti:
ye masoomiyat ka kon sa andaaz hai,
Par kaat kar bolte ho ke tum aazad ho
Kabhi kabhi akele kamre main beth kar kabhi koi tasweer banta to kabhi koi cartoon, or kabhi kabhi Punjabi main kuch shabd yaad aate to wo bhi kisi kagaz par likh deta or bachpan main padhi kuch kavitayen yaad karta. Or ek pankti yaad aayi:
“Badi aasan thi zindagi humari jab darya ki tarah behte the,
ab to roz tufaan uthte hai jab se samundar ho gaye.”
Ab aaya teesra saal, ab yahan itna kuch badal chukka tha ke jab bhi apne 2 sal pehle ki tasveer dekhte to khud ko pehchan nahi pate, kisi ne apne baal ladkiyon ki tarah lambe kiye or koi ganja he ho gya. Or esi beech mess bhi badli, tab mess ka naya avatar aaya JAIN mess, is karan students ko umeed aai ke ab khana thoda accha hoga, par wo to pehle se bhi kharab nikla or sab ki umeedon par paani phir gya… wahan ek incharge hai, bhai bazurg hai, magar unki nazaakt bhi bala hai, sade vastr pehne ek kursi par bethe rehte or agar unhe kuch kahen to ek dum bholi si sort bana lete or esa lagta ke abhi ro denge, or kabhi kabhi taras aane wala ho jata…..
reality of life:
I had a good sleep whole night, but no dream...
but as alarming time was near,
i had a wonderful dream
& i don't want to wake up at that time.
but my alarm was cruel...
i put it on snooze mode & try to dream again
but it was worthless...
& after 5 min. i even don't remember what the dream that was...
then in the noon i slept again
& again i had a dream,
but that was bad dream,
i wakeup and tried to forget
but that bad dream appeared in front of my eyes again and again...
Ab teesre saal main sab dost apne wahi purane kaamon main magan hai, bas CS or NFS chod kar AOE ka chaska laga hai, or kabhi kabhi to ab akelepan ka ehsaas hota, bas sara din ek chote se kamre main bethna, wahi lech. Hall, wahi mess ka khana, or kabhi bahar bhi niklo to sab shant pada hai, esa lagta kisi bhoot bangle main aa gaye hon, agar kisi din nternet na chale to bawal khada ho jay eke net q nahi chal raha, koi baar baar aa kar switch thokta or koi LAN wire theek karta, na jane logon ne kitne he seriels dekh dale jese Prison break, friends, HIMYM and blah blah……. Mujhe ab tak itna nahi pata chala ke log itne seriels ek se 2 hafton main kese khatm kar lete hai or khatm kar ke apne gtalk ya buzz par dalte hai ke “yeeee I completed the whole seasons of LOST in just1week.” Ufffffffff…
Ab to teesra saal bhi khatm hone ko aaya, na jane ab agla saal kesa hoga, par jo bhi hai ab to yahan ek jail lagta hai, jahan humen 5 saal ki saza mili hai or en 5 salon main humen wahi khana khana padega or wahi kamre main bethna padega or wahi karna padega jo pichle 3 saal se karte aaye hai… koi nahi janta kea age kya kya hoga or kya kya karna baki hai…
Ab to teesra saal bhi khatm hone ko aaya, na jane ab agla saal kesa hoga, par jo bhi hai ab to yahan ek jail lagta hai, jahan humen 5 saal ki saza mili hai or en 5 salon main humen wahi khana khana padega or wahi kamre main bethna padega or wahi karna padega jo pichle 3 saal se karte aaye hai… koi nahi janta kea age kya kya hoga or kya kya karna baki hai…
Esi beech 2 ghante line main khade khade kab nikal gaye pata he nahi chala, or jab yaadon se bahar aaya to meri baari aane main sirf 2 log baki the.......
